انسحاب

مشاعر سالبيه .

مشاعر سالبيه

معلومتنا النهاردة هتكون من داخل مشاعرنا واحاسسنا والدراما الداخليه لكل انسان فينا بلا استسناء كبير وشاب حتى الاطفال ليهم حته احساس داخلى .

ديما الاطفال مهما تديهم من عطف واهتمام بيكون فيه غيرة والركن بتاع اغلبيه الاطفال بيكون فيه احساس ٫ اشمعنى ، والتفرقه فى المعامله، وبتكون اغلبيتها مشاعر غلط المهم المشاعر ديه حاجه تخصك انت مش بتتكلم عنها عايش ومتعايش معها .

الركن السرى .

لكن تعالو نعترف ان كل انسان له ركن سرى بداخله بتاعه هو بس ممنوع الدخول فيه ولا حتى التعبير عنة ودة عندنا كلنا وفى كل الاعمار زى ماتفقنا  بلا أستسناء ويبقى اسمة الركن السرى والمشاعر ديه بتكون لنفسك بس

مواقف سلبيه .

ممكن اوى تكون مشاعر مش حقيقيه فيها حبه لخبطه ظروف ومفهوم غلط عشان تزود عندك حبه نكد او مشاعر داخليه سلبيه .

 ممكن تخرج المشاعر ديه على هيئه مواقف سلبيه يبقى كل اللى حواليك مستغرب رد فعلك محدش يعرف انك عايش دراما داخليه مع الركن السرى بتاعك .

عموما بتكون حبة مشاعر مختلفة عن بعضها وكتير الظروف بتساعد مع حبه كبرياء

انك تعرف او تستفسر ليه الموقف دة حصل كدةمثلا فمن السهل احساسك هيوصلك المواضيع بحبه حساسيه زيادة واحتمال تكون غلط فبيكون الناتج  الحالة المزاجيه للشخص 

اسباب الاحساس السلبى .

اغلبية المشاعر سلبية بسبب بتكون لوحدك كتير ووقت الفراغ والملل .

 فطبعا عندك وقت لكل تفصيله وتحليلها طبع احساسك ويبتدى الركن السرى عندك يشتغل ويهئ ليك افتراض ردود فعل من تفكيرك انت وحسب دماغك انت والركن السرى بتاعك هو اللى طالبها فى عقلك الباطن .

فطبيعى انك تتصدم لما ماتلاقيش رد الفعل دة ويبتدى الركن السرى يشتغل مع نفسك

 ويزود حبة بهارات مع حبه تمنى وشوية دراما مع اخراج لمشهد داخلى مع استخدام كلمة لو وكلمة ياريت اكيد الناتج من الركن الداخلى دة اجمد مشاعر سلبية وتأثرها على الحاله المزاجيه والنفسيه.

الحل الايجابى.

 متخليش عندك وقت فراغ ، متكونش لوحدك املى وقتك باى حاجه مفيدة او غير مفيدة

 المهم ابعد نفسك عن الركن السرى دة قدر المستطاع اشغل وقتك وتفكيرك بأجابيات

 اتعب نفسك ، اشغل نفسك بمشاكل غيرك وحاول تحلها معاهم من غير متورط نفسك بمجرد نصائح

 اكيد مع الوقت الركن دة هيتملى اجبيات . 

خلي عندك حسن الظن وأدى العذر لغيرك والغى كلمه لو . او كلمة ياريت . 

زود كمان فى قاموسك كلمه يمكن اكتر فى الركن السرى واكيد هيفرق كتير المهم حاول تقضى على وقت الفراغ .

حاول تعيش الحياه ببساطه

 «تمنياتى للجميع بمشاعر اجابيه وسعادة»